सन्दर्भ : लैङ्गिक हिंसाविरुद्धको सोह्रदिने अभियान
तेत्तिसौँ अन्तर्राष्ट्रिय लैङ्गिक हिंसाविरुद्धको सोह्रदिने अभियानको आज पाँचौ दिन । नोभेम्बर २५ देखि डिसेम्बर १० तारिखसम्म मनाइने यो अभियानको यस वर्षको अन्तर्राष्ट्रिय नारा ‘टुवार्ड्स् थर्टी इयर्स अफ बेइजिङ डिक्लेरेसन एन्ड प्लाटफर्म फर एक्सन : युनाइट टु इन्ड भ्वाइलेन्स अगेन्स्ट विमिन’ (Towards 30 Years of the Beijing Declaration and Platform for Action : UNITE to End Violence Against Women) रहेको छ । नेपालमा २०५४ सालदेखि हरेक वर्ष यो अभियान मनाइँदै आएको छ । यस वर्षका लागि महिला, बालबालिका तथा ज्येष्ठ नागरिक मन्त्रालयले ‘हामी सबैको प्रतिबद्धता : लैङ्गिक हिंसा अन्त्यको लागि ऐक्यबद्धता’ भन्ने राष्ट्रिय नारा तय गरेको छ । लैङ्गिक आधारमा महिलामाथि हुने हिंसालाई मानवअधिकारको गम्भीर उल्लङ्घनको रूपमा लिइँदै आए पनि महिलामाथि हुने गरेका लैङ्गिक हिंसामा कमी हुन सकेको छैन । त्यसैले यस अभियानको अवसरमा विविध प्रकारका कार्यक्रम विभिन्न सङ्घसंस्था र निकायहरूले गरिरहेका छन् ।
यसैक्रममा आज (मङ्सिर १४ गते) काठमाडौँमा ‘अपाङ्गता भएका महिलाहरूको नेतृत्वमा अनुपम यात्रा’ भयो । ‘अपाङ्गता भएका महिला विरुद्ध हुने हिंसा अन्त्य गरौँ, समावेशी नेतृत्वलाई प्रोत्साहन गरौँ’ भन्ने नारासहित भएको यो यात्रा भृकुटीमण्डपबाट सुरु भएर पुतलीसडक बागबजार हुँदै भृकुटीमण्डपमै पुगेर कोणसभामा परिणत भएको थियो । यस यात्रामा अपाङ्गता भित्रका ह्विलच्येर प्रयोगकर्ता, अटिजम भएका, दृष्टिविहीन, सुनाइ तथा बोलाइ सम्बन्धी अपाङ्गता भएका व्यक्तिहरूको सहभागिता थियो । त्यसक्रममा उहाँहरूले अपाङ्गता भएका महिलामाथि हुने हिंसा अन्त्य गरौँ, राजनीतिमा अपाङ्गता भएका महिलाहरूको पहुँच बढाऔँ भन्दै गीत पनि गाएका थिए ।
प्रकाशन मिति : २०८१ मंसिर १४ गते, शुक्रवार
याे पनि पढ्नुहाेस्
- हिंसा गर्नेका विरुद्ध लड्न सक्ने भएर अगाडि निस्किनुपर्ने
- अटिजम अवस्थाकी छोरीका आमालाई बढी पिर
- रोकौँ अपाङ्गता भएका महिलामाथिका हिंसा र जोखिम
- बल्ल बुझ्दैछन् सहरी महिलाले आफूमाथिको हिंसा (भिडियो सहित) –महेश्वरी विष्ट
- लैङ्गिक हिंसाविरुद्धको सोह्रदिने अभियान सुरु
- राजधानीमा पढेलेखेकै परिवारले महिलालाई स्वतन्त्र हुन दिएका छैनन् (भिडियोसहित) – मञ्जली शाक्य (बज्राचार्य)
- आफ्नो हिंसा लुकाएर अरूलाई सहयोग गर्छौँ – श्याम साह (भिडियो सहित)
- हिंसाविरुद्ध अभियानको पुनरावलोकन जरुरी (भिडियो सहित)
- लैङ्गिक हिंसाविरुद्धको सोह्रदिने अभियान शुरु (भिडियाे/फोटो फिचर)
